Transcription
1
Reçue à Grenoble, le 10 mars 1573. Répondue le 11 mars 1573.
2
Monseigneur, j’ay receu la lettre qu’il vous a pleu m’escripre par monsieur de Moydieu
3
lequel arrivat hiert icy et s’en est allé ce matin treuver monsieur de Rosset à Loriol.
4
Il n’y a nouvelle qui merite vous escripre, ce gentilhomme qui vous est allé treuver
5
de la part de monseigneur le mareschal, vous aura faict entendre tous les affayres
6
qui me gardera vous en escripre. Incontinant que je n’apprendray quelque chose ne
7
fauldray vous advertir. J’ey faict ressarrer tous les catholisez chacung en leur maison.
8Monsieur Chapponay, l’ung des consulz de ceste ville, s’en vast par devers vous lequel [barré : fera ] vous ferez
9
entendre l’estat de ceste ville et pour le regard des gardes lesquelles se font la plus
10partz par des paysentz qui fault qui allent au travail le jour [barré : aque ] et en tient assés
11
tart en garde. Ledit Chapponnay vous fera entendre les moyens qu’on peult avoir pour remedier
12
à cella. Ceulx du Pouzin debvoit venir coupper ceste nuict les cabres et cordes de notredit
13
port mais ilz n’y sont poinct venuz. Je leurs avoit appresté quatre ou cinq pièces
14qui estoient bracquez droict ausdictes Cabres pour les bien deloger de là et [barré : an ] eusse
15
faict advanser quelques soldatz sans ung batteau pour leur rompre leurs desceins. Ledict
16
porteur vous fera entendre quelques affaires que je ne vous escritz poinct, et attendant
17
voz commandementz je supplieray le Createur,
18
monseigneur, qu’il vous preserva en bonne prosperité, heureuse vie et longue.
19
De Vallance, ce neufieme mars 1573.
20
Monsieur du Pelloux me manda icy [mots barrés] par
21monsieur de Montgros coment ^ [^ qui] [barré : je ] vous avoyt
22
escrit et qu’il l’avoyt oblié de mestre
23
dans sa lestre coment Posol qu’il tient prisonnier
24
luy avoyt donné sertain avertisemens.
25
Mays je croys qu’il ne sont tout que manteurs.
26Il disoyt que venoyt [barré : g ] des granddes forse de Gennèvre
27
et qu’il faysoyt leur desaing de pranddre Romans et pour avoyr leur passage libre
28
et dye le dict de Posol asura monsieur du Pelloux qu’il l’etoyt votre et qui luy ferez
29
voyr des lestres qui an font mantion. Toutesfoys je tacherey d’an savoyr la verité
30
pour vous an tenir averty.
31
Votre très humble et très obeyssant
32
serviteur Le Mestral
33
34
[brouillon de la réponse de M. de Gordes]
35
Capitaine Mestral, j’ey receu votre lettre par Chapponay present porteur et entendu de luy l’occasion
36
de son voyage. J’ay fayct responce aux articles qu’il m’a presenté comme vous verrés pour
37
que chascung mette la main à la paste, attendant qu’on puisse mieulx, de quoy
38
j’attens tous les jours responce de sa magesté. Quant aux forces que Posol dit venir
39
de Genève je vous puis asseurer qu’il ne est aucunes nouveles et si ne se scauroyent
40
assembler cent hommes quy je ne soye adverty. Au reste je vous prie et ne puis garder
41
vous ramantevoyr de vouloyr tenir votre compagnie complette et quoy qu’on fasse
42
courir le bruit soyt de la prinse du Pouzin et de Vileneufve. S’il est vray
43
comme m’en a dit le tout est precedé de negligence et avarice et pert
44
en une heure l’honneur la vie et le bien. Vous estes homme de guerre et
45
d’entendement et ferés les choses à l’oreile. Et n’estant ceste pour autre je
46
me recommande etc.